🔥गो.सी.गावंडे महाविद्यालयात नेतृत्व गुण विकास शिबिराचे उद्घाटन संपन्न

      उमरखेड :-अमरावती विभागीय शिक्षण उपसंचालक कार्यालय आणि गोपिकाबाई सीताराम गावंडे कनिष्ठ महाविद्यालयाच्या संयुक्त विद्यमाने राष्ट्रीय सेवा योजना +२ स्तरसाठी अमरावती विभागीय नेतृत्वगुण विकास शिबिराचे उद्घाटन संपन्न झाले. या शिबिराचे आयोजन ४,५ व ६ जानेवारी या कालावधीत गोपिकाबाई सीताराम गावंडे कनिष्ठ महाविद्यालयात करण्यात आले आहे.
        अमरावती विभागीय शिक्षण उपसंचालक येथील सहा. अधिकारी नितेश काळबांडे यांच्या शुभहस्ते उद्घाटन संपन्न झाले. यावेळी प्रमुख पाहुणे म्हणून ठाणेदार शंकर पांचाळ तर यवतमाळ जिल्हा अखिल कुणबी समाज संस्थेचे संस्थेचे सचिव डॉ. यादवराव राऊत, अध्यक्ष स्थानी होते.यवतमाळ जिल्हा अखिल कुणबी समाज संस्थेचे अध्यक्ष राम अनंतराव देवसरकर यांची प्रमुख उपस्थिती लाभली प्राचार्य डॉ. माधवराव कदम, विभागीय समन्वयक, विशाल जाधव, मुख्याध्यापक, प्रमोद देशमुख, प्रा. डॉ. धनराज राऊत, उपप्राचार्य पी एम गुजर यांच्या मार्गदर्शनाखाली या शिबिराचे उदघाटन झाले. या प्रसंगी ठाणेदार पांचाळ साहेब यांनी स्वयंसेवकाना मार्गदर्शन करताना असे सांगितले की, देशाला वेळोवेळी नेतृत्वाची गरज भासत असते. प्रत्येक विद्यार्थ्यांमध्ये अनेक सुप्त गुण दडलेली असतात.                                                                 विद्यार्थ्यांच्या या उपजत कलागुणांना वाव मिळण्यासाठी राष्ट्रीय सेवा योजनेच्या माध्यमातून एक हक्काचे व्यासपीठ उपलब्ध करून दिला जाते. अशा प्रकारच्या माध्यमातून विद्यार्थ्यांमध्ये नैतिक मूल्य, राष्ट्रीय एकात्मता, सांघिक भावना, सभाधिटपणा निर्माण होण्यास मदत होते असे प्रतिपादन केले. प्रमुख पाहुणे संस्थेचे सचिव डॉ. राऊत यांनी आपल्या भाषणातून विद्यार्थ्यांना मार्गदर्शन करताना देशात आपत्तीच्या वेळी स्वयंसेवकाने स्वयंस्फूर्तीने योगदान देतात महापूर, भूकंप, चक्रीवादळ इत्यादी आपत्कालीन परिस्थितीत देवदूताप्रमाणे धावून येतात असे मत व्यक्त केले. प्राचार्य डॉ. माधवराव कदम यांनी विद्यार्थ्यांनी मोबाईल चा कमी वापर करून जास्तीत जास्त अभ्यासावर लक्ष केंद्रित करावे असे आवाहन या प्रसंगी केले. शिबिरात अमरावती विभागातील अमरावती,बुलढाणा, अकोला, वाशीम आणि यवतमाळ या पाच जिल्ह्यातून राष्ट्रीय सेवा योजनेच्या ५२ युनिटचे १०४ विद्यार्थी, ५२ कार्यक्रमाधिकारी, ७ जिल्हा समन्वयक १ विभागीय समन्वयक व गावंडे कनिष्ठ महाविद्यालयातील राष्ट्रीय सेवा योजनेचे ५० स्वयंसेवक या सहभागी झाली आहेत. कार्यक्रमाचे प्रास्ताविक प्रा. शिवप्रसाद इंगळे यांनी केले. या कार्यक्रमाचे सूत्रसंचालन प्रा. मिलिंद कांबळे व प्रा. साधना देशमुख, यांनी तर यवतमाळ जिल्हा समन्वय प्रा. गजानन जाधव यांनी आभार मानले. या कार्यक्रमाच्या यशस्वीतेसाठी सर्व प्रा. जी बी जाधव प्रा. देवानंद शिंदे प्रा. विनोद कनवाळे, संतोष बीचेवार, प्रा. आशीर्वाद मोरे, देशमुख प्रा. प्रभात देशमुख, प्रा. शिवराज चिंचोलकर, प्रा. प्रताप शिंदे प्रा. निळकंठ राठोड, प्रा. सुनिल काकडे, प्रा. शितल भुतडा प्रा. नितीन ठाकरे, प्रा. शेषराव राठोड प्रा. सुरेश जाधव, प्रा.डॉ.संजय शिरगिरे, प्रा. दिपाली हरण, प्रा. अमोल चव्हाण प्रा. गजानन नल्लेवाड, प्रा. देवेंद्र गयाने, प्रा.अभिजीत फुलबांधे प्रा. होमेश्वरी चव्हाण प्रा.योगिता मैंद प्रा. गायत्री व्यास प्रा. प्रियंका मोरे तसेच सर्व शिक्षकेतर कर्मचारी वृंद यांचे अथक परिश्रम लाभले.